Trypcich «Try eciudy Luśjena Frejda» Frensisa Bekana byŭ pradadzieny za $142,4 młn na aŭkcyjonie Christie's u Ńju-Jorku ŭ aŭtorak — heta samaja vysokaja cana za tvor mastactva ŭ historyi aŭkcyjona.
Bekan napisaŭ trypcich ŭ 1969 hodzie i byŭ niezadavoleny, daviedaŭšysia, što kožny byŭ pradadzieny asobna, bo jon chacieŭ, kab jany zachoŭvalisia razam.
Praz šmat hadoŭ pałotny ŭźjadnalisia, dziakujučy rymskamu kalekcyjanieru mahnatu Frančeska de Simone Nikiesa.
Staŭki byli pieršapačatkova vysokija, bo aŭkcyjonny dom Christie's papiarednie acaniŭ tvor u $85 młn, a heta samaja vysokaja startavaja cana za ŭsiu historyju aŭkcyjona.
Rabota Bekana pieraŭzyšła pa košcie karcinu Edvarda Munka «Kryk»,
nabytuju ŭ Ńju-Jorku finansistam Leonam Błekam na aŭkcyjonie Sotheby's u minułym hodzie amal za $120 młn.
