Pieršamajski sud Minska pravioŭ vyjazny adkryty sudovy praces pa kryminalnaj spravie ŭ dačynieńni da pjanaha kiroŭcy.
28-hadovy mužčyna trapiŭsia na niećviarozym kiravańni 14 kastryčnika i byŭ pryciahnuty da administracyjnaj adkaznaści pavodle art. 18.16 KoAP (kiravańnie transpartnym srodkam asobaj, jakaja znachodzicca ŭ stanie apjanieńnia).
Ale ŭžo 27 kastryčnika jon znoŭ byŭ abvinavačany ŭ kiravańni transpartam u pjanym vyhladzie. U dačynieńni da kiroŭcy raspačali kryminalnuju spravu pa č.1 art.317-1 KK Biełarusi (kiravańnie transpartnym srodkam u stanie ałkaholnaha apjanieńnia na praciahu hoda paśla nakładańnia administracyjnaha spahnańnia za takija ž parušeńni).
Da aŭtamabila Fiat, jakim kiravaŭ hety čałaviek, prymieniena śpiecyjalnaja kanfiskacyja.
U sudzie adznačyli, što aŭtamabil zarehistravany na inšuju asobu, ale faktyčna im karystaŭsia hety kiroŭca. Akramia taho, mužčynu pryznačana pakarańnie ŭ vyhladzie papraŭčych rabot terminam na 1 hod i 6 miesiacaŭ z utrymańniem 20% zarobku ŭ dachod dziaržavy štomiesiac, ale nie mienš adnoj bazavaj vieličyni (130 tys.).
Jon pazbaŭleny prava kiravańnia transpartnymi srodkami terminam na 3 hady. Nieabchodna jašče i apłacić štraf u pamiery 300 bazavych adzinak, heta značyć 39 młn rubloŭ.
Prysud moža być abskardžany na praciahu 10 dzion z momantu abviaščeńnia.
