Z nahody relizu synhłu remiksaŭ prajektu Šuma śpiavačka Rusia raspaviała pra kalabaracyju z žodzinskim elektronščykam dy patłumačyła čamu nie pakazvaje novyja tvory.
Šuma remixes EP zadumany najpierš dziela adnoj mety – pradstavić novych udzielnikaŭ prajektu. Da dziaŭčat dałučyŭsia Nik Čorny, mienski kampazytar, pradusar elektronnaj muzyki, aranžyroŭščyk. Raniej jon pracavaŭ razam z Aleksis Scorpio, chłopcy pisali dyp chaŭs. Kali Rusia iNadzieja Čuhunova šukali muzykaŭ dla pracy nad prahramaj žyvoha vystupu, Nik pryjšoŭ da ich jak klavišnik i muzyka, što zajmajecca prahraminham prosta na scenie, ale pa chutkim časie staŭ sa-pradusaram prajektu.
Da Šuma dałučyŭsia taksama cikavy biełaruski muzyka z Žodzina Dee Flack.
«My ŭzajemna adkryli adno adnoha. Jaho achvotna vydajuć u Vialikabrytanii, a doma heta zvyčajny chłopiec, jaki maje talent, pracu i krychu volnaha času, kab puścić svoj talent vonki. Asabista ja vielmi lublu estetyku muzyki, jakuju piša Dee Flack. Da taho ž jon vielmi jakasna heta robić. Dla mianie našaje znajomstva stała niečakana pryjemnym ździŭleńniem», - apaviadaje Rusia.
Na synhle remiksaŭ taksama źjaŭlajecca Alex Goof, jaki pracavaŭ užo z prajektam nad JER «zołak», Huf praciahvaje ekśpierymientavać u styli mucon.
Ciapier Šuma pracuje nad poŭnavartasnym albomam, jaki, jak kažuć udzielniki prajektu, «pišacca ŭ čatyry ruki». U novych tvorach muzyki chočuć vyjavić svoj pohlad na kancepcyju huku i ŭłasnuju stylistyku.
