U Kijevie Rybiery — adzin z najlepšych hulcoŭ śvietu — byŭ amal nie zaŭvažny, fota Reuters.
U Paryžy sustrenucca zbornyja Ukrainy i Francyi, try dni tamu, u Kijevie, padapiečnyja Michajły Famienki pieramahli — 2:0. Pačatak hulni a 23-j. Matč u pramym efiry budzie pakazvać telekanał «Inter».
Zbornaja Ukrainy pad kiraŭnictvam Aleha Błachina hulała na čempijanacie śvietu 2006 h., dzie dajšła da čverćfinału.
Inšyja matčy:
Šviecyja — Partuhalija (22:45, pieršy matč — 0:1);
Charvatyja — Isłandyja (22:15, pieršy matč — 0:0)
Rumynija — Hrecyja (22:00, 1:3).
Taksama vyznačycca dva apošnija pretendenty ad Afryki:
Jehipiet — Hana (19:00, pieršy matč — 1:6)
Ałžyr — Burkina-Faso (21:00, pieršy matč — 2:3).
Raniej pucioŭki ad Afryki zavajavali Kamierun, Nihieryja i Kot-d-Ivuar.
Zaŭtra, 20 listapada, vyznačacca dva apošnija ŭdzielniki čempijanatu śvietu pa futbole (biare ŭdzieł 32 zbornyja).
Novaja Ziełandyja zhulaje z Mieksikaj (pieršy matč — 1:4), a Uruhvaj ź Ijardanijaj (pieršy matč — 5:0).
Čempijanat śvietu pa futbole projdzie ŭ červieni-lipieni nastupnaha hoda ŭ Brazilii, udzieł im voźmuć 32 zbornyja. Losavańnie hrupaŭ adbudziecca 6 śniežnia. Biełaruś u adboračnym turniry finišavała na apošnim miescy.
