Fota Reuters
Ministerstva ŭnutranych spraŭ Ukrainy zaklikała ŭdzielnikaŭ akcyj pratestu da paradku. MUS zajaŭlaje, što nie budzie pieraškadžać mirnym pratestam u vypadku zachavańnia paradku i nie budzie abmiažoŭvać prava hramadzian na svabodu, paviedamlaje korrespondent.net
Pavodle źviestak milicyi, vyklikajuć zaniepakojenaść sproby niekatorych udzielnikaŭ mitynhaŭ, jakija prachodziać u Kijevie, spravakavać pravaachoŭnikaŭ.
«Niahledziačy na kolery ściahoŭ i łozunhi, pad jakimi ludzi iduć na demanstracyi, milicyjanty pavažajuć mierkavańnie kožnaha demanstranta i imknucca tolki da taho, kab na vulicach krainy było spakojna», — havorycca ŭ paviedamleńni milicyi.
Jak adznačajecca, MUS zaklikaje da paradku i papiaredžvaje ab tym, što ŭ vypadku parušeńnia zakona milicyja budzie vymušana pryciahnuć vinavatych da administracyjnaj abo kryminalnaj adkaznaści.
U pryvatnaści, dadali ŭ milicyi, pierakryćcio vulic, nievykanańnie rašeńniaŭ suda, paškodžańnie majomaści i inšyja supraćpraŭnyja dziejańni mohuć stać padstavaj dla «prymianieńnia mier uździejańnia na parušalnikaŭ zakona».
Nahadajem, što ŭ Kijevie praciahvajecca biesterminovaja akcyja pratestu suprać rašeńnia ŭrada adkłaści padpisańnie pahadnieńnia ab asacyjacyi ź ES.
Hramadzianie źbirajucca ŭ centralnaj častcy horada — na Majdanie Niezaležnaści, na Jeŭrapiejskaj płoščy, a taksama la budynka Kabinieta ministraŭ.
Pa stanie na paniadziełak 25 listapaa, adbyłosia niekalki sutyčak i bojek pamiž udzielnikami akcyj pratestu i supracoŭnikami MUS Ukrainy. Siońnia źjaviłasia infarmacyja ab tym, što źjavilisia pieršyja zatrymanyja.
