Śledčy izalatar № 5 Maskvy, dzie ŭtrymlivajecca hiendyrektar AAT «Urałkalij» Uładzisłaŭ Baŭmhiertnier, ličycca lepšym nie tolki ŭ Maskvie, ale i va ŭsioj Rasii, cytuje hazietu «Maskoŭski kamsamolec» (MK) partał Naviny.by.
Karespandent MK aznajomiłasia z umovami ŭtrymańnia top-mieniedžara ŭ ramkach płanavaj pravierki hetaha izalataru hramadskaj naziralnaj kamisijaj.
Baŭmhiertniera źmiaścili ŭ śpiecbłok, dzie ŭzmocnienaja sistema achovy i videanazirańnie ŭ kožnaj kamiery. U cełym padśledny ŭsim zadavoleny, adnak, jak vynikaje z artykuła MK, jość niekatoryja niuansy.
«Hałoŭnamu na siońniašni dzień VIP-źniavolenamu Rasii — Uładzisłavu Baŭmhiertnieru — nary apynulisia nie pa pamiery. U litaralnym sensie. Top-mieniedžar «Urałkalija» śpić, źviesiŭšy nohi, pakolki jaho rost adroźnivajecca ad daŭžyni łožka na 13 sm. Jašče ŭ aryštanta adabrali paravarku, i ciapier jon nie moža padahreć ježu», — piša MK.
Rost Baŭmhiertniera składaje 193 sm, u toj čas jak daŭžynia łožka — 180 sm. Na pytańnie žurnalista, jak jon śpić na taki łožku, Baumhiertnier adkazaŭ: «Tak i splu, nohi ŭ bok».
«U izalatary KDB Biełarusi, dzie ja siadzieŭ, łožki byli doŭhija, — raspavioŭ Baumhiertnier. Ja tam byŭ u «adzinočcy». Dakładniej, kamiera była raźličana na 4 čałaviek, ale ja byŭ adzin. Charčavańnie tam takoje ž, jak tut. Prahułki, praŭda, daŭžej — 2 hadziny (tut adna hadzina). Zatoje tam sportu niama, i abmiežavańniaŭ pa pieradačach bolš. A hałoŭnaje — na radzimie zaŭsiody lepš».
U SIZA Baŭmhiertnier rehularna naviedvaje spartzału, u kamiery jość «dobry VK-televizar, chaładzilnik, zabity praduktami», paviedamlaje MK. «Jość navat malusieńkija zbanki, dzie cybula raście — tak što možna śviežaje zialonaje piorka da abiedu sarvać.
Darečy, usie troje turemnuju ježu jaduć zredku. A tak zamaŭlajuć sabie płatnyja kompleksnyja abiedy — pa 220 rasijskich rubloŭ. U dzień našaha prychodu tam była bulba tušanaja, boršč. Ježa pa jakaści amal restarannaja.
Plus pry žadańni možna zamović picu (vyvučaju listok z asartymientam — samaja tannaja pa 900 rasijskich rubloŭ), uziać naprakat šachmaty, nardy», — adznačajecca ŭ artykule.
Baŭmhiertnier byŭ zatrymany ŭ Minsku 26 žniŭnia i źmieščany ŭ SIZA KDB. Pieršapačatkova jon abvinavačvaŭsia ŭ złoŭžyvańni ŭładaj i słužbovymi paŭnamoctvami, zatym abvinavačańnie było dapoŭniena — jaho abvinavacili taksama ŭ kradziažy.
26 vieraśnia Baŭmhiertniera pieraviali ź SIZA pad chatni aryšt u adnu ź minskich kvater.
20 listapadza Hienprakuratura Biełarusi pryniała rašeńnie ab ekstradycyi Baŭmhiertniera ŭ adkaz na zapyt rasijskaj Hienprakuratury, jakaja taksama raspačała kryminalnuju spravu ŭ dačynieńni da hiendyrektara «Urałkalija». Na nastupny dzień Baŭmhiertnier byŭ ekstradziravany ŭ Rasiju.