Rasijski dziaržaŭny telekanał Rasija-1 u paniadziełak, 25 listapada, u viečarovym vypusku navin pakazaŭ siužet pra ŭkrainski Jeŭramajdan pad nazvaj «Jeŭramajdan 2013 — technałohija jeŭrapravakacyj», paviedamlaje korrespondent.net.
U siužecie raspaviadałasia pra toje, što bajcy Bierkuta pakutujuć ad napadaŭ demanstrantaŭ i ŭžyvajuć siłu vyklučna ŭ metach samaabarony paśla pravakacyj z boku prychilnikaŭ «žorstkaj jeŭraintehracyi».
Žurnalisty telekanała śćviardžajuć, što ŭkrainskich apazicyjanieraŭ pravakacyjam navučajuć na śpiecyjalnych kursach u pasolstvie ZŠA va Ukrainie.
Tam ukraincaŭ nibyta vučać arhanizoŭvać biesparadki, supraćstajać milicyi i vierbavać novych prychilnikaŭ praz sacyjalnyja sietki. «Udzielniki šaści takich sieminaraŭ užo pracujuć jak instruktary.
Łancuhovaja reakcyja pajšła», — zapeŭnivaje Rasija-1, adznačajučy, što na Jeŭramajdanie ŭsie stajać vyklučna za hrošy.
U paćvierdžańnie hetamu žurnalisty pryviali kamientar adnaho z demanstrantaŭ, jaki na kamieru pryznaŭsia, što ŭ mitynhu prymaje ŭdzieł tolki z-za materyjalnaha ŭznaharodžańnia.
Adnak tut chłuśnia rasijskich žurnalistaŭ stała vidavočnaj. Jak akazałasia, jany prosta vyrazali kavałak ź videa ŭkrainskaha kanała 24 u jakim havorka išła ab supraćlehłaj situacyi.
U aryhinalnym siužecie raspaviadałasia nie pra prychilnikaŭ jeŭraintehracyi, a ŭ jaje praciŭnikaŭ, jakich Partyja rehijonaŭ na samaj spravie sklikała za hrošy da budynka Kabmina i na Michajłoŭskuju płošču.
Hetuju infarmacyju paćvierdziŭ redaktar telekanała Ivan Pinčuk, jaki i pradastaviŭ hety videazapis całkam. U poŭnaj viersii toj ža chłopiec kaža, što jamu naohuł niejak nie čužyja jeŭrapiejskija kaštoŭnaści.