Rašeńniem Kamiteta pa manietarnaj palitycy Nacbanka 27 listapada źnižajucca staŭki pa pastajanna dastupnych i dvuchbakovych apieracyjach padtrymki biahučaj likvidnaści bankaŭ z 40% da 35% hadavych; staŭki pa pastajanna dastupnych apieracyjach vyklučeńnia likvidnaści bankaŭ zastajucca bieź źmianieńniaŭ na ŭzroŭni 20% hadavych.
Nahadajem, raniej Nacbank źnižaŭ staŭki pa apieracyjach padtrymki biahučaj likvidnaści bankaŭ 13 listapada. Jak i ciapier, jany byli pamienšany na 5% — da 40% hadavych.
Patańnieńnie koštu hrošaj aznačaje, što pradpryjemstvam budzie praściej kredytavacca i rabić heta ŭ vialikich abjomach.
Nahadajem, 12 listapada na pasiadžeńni prezidyuma Savieta ministraŭ urad źviarnuŭsia da Nacbanka z prośbaj zabiaśpiečyć sumiesna z bankami ŭ čaćviortym kvartale hetaha hoda źnižeńnie stavak na depazitna-kredytnym rynku, rynku mižbankaŭskich kredytaŭ i pa instrumientach rehulavańnia likvidnaści bankaŭskaj sistemy, vyznačyŭšy aryjenciram dla ich ustanaŭleńnia staŭku refinansavańnia.
Staŭka refinansavańnia nie źmianiałasia z červienia 2013 hoda i składaje 23,5% hadavych.
