Jak stała viadoma Goals.by, biełaruski śpiecyjalist Aleh Kubaraŭ uzhadniŭ ŭmovy kantrakta ź minskim «Dynama».
Čakajecca, što ŭ bližejšy čas jon uznačalić kamandu.
Aleh Kubaraŭ ciapier źjaŭlajecca hałoŭnym trenieram małdaŭskaha «Zimbru».
Na 4 śniežnia zapłanavana śpiecyjalnaja pres-kanfierencyja ciapierašniaha treniera «Dynama» Robierta Maskanta, hiendyrektara Siarhieja Paŭlukoviča i kapitana Dźmitryja Mołaša.
44-hadovy Hałandziec Robiert Maskant staŭ hałoŭnym trenieram «Dynama» ŭ siaredzinie červienia hetaha hoda, staličny kłub zajmaŭ tady ŭ turnirnaj tablicy 5-y radok (u vyniku finišavaŭ na tradycyjnym trecim miescy).
Pahadnieńnie było zaklučana na paŭtara hoda.
Maskant staŭ 27-trenieram u «Dynama» z taho času, jak kłubam kiruje Juryj Čyž (z kanca 1999 h.).
U siaredzinie vieraśnia hałandziec daŭ cikavaje intervju Goals.by, u tym liku padzialiŭšysia nazirańniami pra biełarusaŭ, što jany žyvuć z apuščanymi vačyma:
«Adroźnieńnie [Hałandyi] ad Biełarusi zaklučajecca ŭ staŭleńni da adkaznaści. Z rańniaha ŭzrostu hałandskich dziaciej pryvučajuć da adkaznaści. Jany pavinny vyraści zdolnymi brać rašeńnie prablem na siabie. Biełarusy ž, jak mnie zdajecca, žyvuć z apuščanymi vačyma. Jość niejki strach. Uźnikaje adčuvańnie, byccam ludzi chavajuć pohlad i pastajanna prahaniajuć praz hałavu dumku: «Tolki b ni ja, tolki b ni ja. Nie čapajcie mianie. Ja znajdu, čym siabie zaniać. Heta tyčycca i futboła».
Što tyčyć Aleha Kubarava, to jon u svoj čas treniravaŭ «Minsk», «Tarpieda-BiełAZ», «Homiel», jurmalski «Spartak».
