Fota Nastaśsi Chrałovič.
Na pytańnie, ci nie baicca jon admoŭnaj reakcyi z boku načalstva na svajo rašeńnie, Čarniakievič adkazvaje, što ličyć pytańnie asabistaj spravaj. I dadaje, što nie čakaje surjoznych nastupstvaŭ. Nie dumaje, što jaho zvolniać za jahony ŭčynak.
Rašeńnie viarnuć hramatu dla jaho nie było tolki emacyjnym. Na dumku Čarniakieviča,
pieraŭtvareńnie Litaraturnaha muzieja Maksima Bahdanoviča ŭ filiju Muzieja historyi biełaruskaj litaratury adbyłosia ŭ poŭnym maŭčańni, biez udziełu hramadskaści. Kali rašeńnie, pryniataje Ministerstvam kultury, budzie paćvierdžana na ŭzroŭni Savieta Ministraŭ, heta rezka źnizić status muzieja.
Nie sustrakaŭ nivodnaha čałavieka, jaki b padtrymlivaŭ takoje rašeńnie, — kaža litaraturaznaŭca.
Cichan Čarniakievič nazyvaje viartańnie hramaty prajavaj salidarnaści z muziejem Bahdanoviča. Jon spadziajecca, što hramadski rozhałas prymusić uładu źmianić svajo rašeńnie.
