21-hadovaja dziaŭčyna była abvieščana ŭ vyšuk jak bieź viestak źnikłaja 27 listapada.
3 śniežnia jaje trup byŭ znojdzieny ŭ adnym z zakinutych vytvorčych pamiaškańniaŭ pradpryjemstva «Halijart». U cieła adsutničała hałava — miakkija tkanki hałavy byli źjedzieny sabakami, a raskidanyja kości abhryzieny. Svajaki apaznali jaje pa astatnich źniešnich prykmietach.
Jak vyśvietliłasia, dziaŭčyna była zabita naniasieńniem nie mienš jak 10 udaraŭ cehłaj pa hałavie, ad čaho kości čerapa raskałolisia.
Pa padazreńni ŭ zabojstvie zatrymany 16-hadovy navučeniec adnaho z babrujskich kaledžaŭ. Chłopiec dvojčy sudzimy za kradziažy. Padazravany svajoj viny nie pryznaje, supracoŭničać sa śledstvam admaŭlajecca.
Zabitaja dziaŭčyna pracavała ŭ bary, charaktaryzavałasia stanoŭča.
