3 śniežnia nabyŭ zakonnuju moc pryhavor u dačynieńni da 16-hadovaha žychara vioski Kazłoŭka Śvietłahorskaha rajona, syna pamočnika vychavalnika dziciačaha doma siamiejnaha typu.
Jon abvinavačvaŭsia ŭ zhvałtavańni i hvałtoŭnych dziejańniach sieksualnaha charaktaru ŭ dačynieńni da dziaŭčynak siami, dvanaccaci i trynaccaci hadoŭ.
Jak paviedamili ŭ prakuratury Śvietłahorskaha rajona, praces prachodziŭ u zakrytym režymie. 21 listapada byŭ ahučany prysud u dačynieńni da abvinavačanaha — dzieviać hadoŭ pazbaŭleńnia voli z adbyvańniem pakarańnia ŭ papraŭčaj kałonii. Abvinavačany nie abskardziŭ prysud, jon nabyŭ zakonnuju moc. Svaju vinu padletak pryznaŭ častkova.
Nahadajem, kryminalnaja sprava pieršapačatkova była raspačata ŭ dačynieńni da 43-hadovaha pamočnika vychavalnika dziciačaha doma siamiejnaha typu adździeła adukacyi Śvietłahorskaha rajvykankama.
Razam z žonkaj jany vychoŭvali 13 dziaŭčynak — sacyjalnych sirot.
Mužčynu zatrymali viasnoj 2013 hoda pa padazreńni ŭ zhvałtavańni adnoj ź ich. Heta zdaryłasia paśla taho, jak byłaja vychavanka zaciažarała i źviarnułasia ŭ miedustanovu. Padčas rasśledavańnia vyśvietliłasia, što padobnyja dziejańni pamočnik vychavalnika ŭčyniaŭ taksama ŭ adnosinach i da inšych dziaŭčynak.
Padčas śledstva stała viadoma, što hvałtavaŭ dziaŭčynak i rodny syn pamočnika vychavalnika.
Kryminalnaja sprava ŭ dačynieńni da 43-hadovaha mužčyny ciapier słuchajecca ŭ sudzie.