Dackija vučonyja pryjšli da vysnovy, što žančyny, jakija ŭmierana ŭžyvajuć ałkahol u čas ciažarnaści, naradžajuć bolš prystasavanych da žyćcia dziaciej.
U chodzie daśledavańniaŭ, praviedzienych psichołahami z Kapienhahienskaha ŭniviersiteta z 1996 pa 2002 hady, 100 tysiač ciažarnych žančyn byli apytany na pradmiet ich staŭleńnia da ałkaholu. Praź siem hadoŭ psichołahi praviali psichałahičnyja testy z 37 tysiačami dziaciej apytanych raniej žančyn.
Vyniki daśledavańniaŭ pakazali, što dzieci, maci jakich za čas ciažarnaści dazvalali sabie paru bakałaŭ vina ŭ tydzień, lepš prystasavany da žyćcia. Takija dzieci vyznačajucca bolš stałymi pavodzinami, u ich lahčej składvajucca adnosiny z ravieśnikami, čym u dziaciej, maci jakich poŭnaściu ŭstrymlivalisia ad ałkaholu.
Adnak vučonyja, jakija pravodzili daśledavańni, papiaredzili, što nie razhladali vypadki, kali ciažarnyja žančyny ŭžyvali ałkahol u vialikaj kolkaści. Taksama psichołahi padkreślili, što treba ŭličvać takija ŭskosnyja faktary, jak dobraja adukacyja, mocnaje zdaroŭje i aktyŭny ład žyćcia žančyn, jakija ŭmierana ŭžyvali ałkahol.
