Scena śviatkavańnia Kupalla na karcinie «Noč na śviatoha Jana» Dźmitryja Steleckaha
Eskiz da baleta «Žar-ptuška» Lea Indenbaŭma
«Biust dziaŭčyny»
Heta Leŭ Bakst, Dźmitryj Stelecki i Leŭ Indenbaŭm. Pracy hetych majstroŭ upieršyniu źjaviacca ŭ Biełarusi.
Leŭ Bakst i Dźmitryj Stelecki (naroŭni z Rerycham, Bienua, Somavym) źjaŭlajucca pradstaŭnikami mastackaha abjadnańnia «Śviet mastactva».
Uradežniec Hrodni Leŭ Bakst siońnia pryznany adnym z samych darahich teatralnych mastakoŭ u śviecie. Jon prasłaviŭsia dziakujučy afarmleńniu śpiektaklaŭ tryŭmfalnych «Ruskich siezonaŭ» Dziahileva. Razam z kampazitaram Stravinskim Bakst aformiŭ sieryju baletnych pastanovak, jakija prynieśli abodvum suśvietnuju viadomaść. Eskiz harnitura da adnaho ź ich — «Žar-ptuška» — zaraz u kalekcyi Biełhazprambanka.
Brestaŭčanin Stelecki z 1914 hoda žyŭ u Paryžy, dzie raśpisvaŭ pravasłaŭnyja chramy, afarmlaŭ śpiektakli pa matyvach ruskaha falkłoru. Bank kupiŭ jaho karcinu «Noč śviatoha Jana».
Skulptar Leŭ Indenbaŭm naradziŭsia na Mahiloŭščynie, žyŭ i vučyŭsia ŭ Vilni, a ŭ 1911 hodzie pierajechaŭ u Paryž. Siarod jaho siabroŭ byli Sucin, Dyjeha Ryviera, a Madziljani pisaŭ jaho partret.