Nadyšoŭ čas, kab Zachad «rasstaŭsia ź niekatorymi iluzijami» adnosna SND, — piša En Epłbaŭm u The Washington Post u suviazi z padziejami va Ŭkrainie. — Amerykanskaja žurnalistka ličyć, što ŭ pieršuju čarhu varta adkinuć mit pra «kalarovyja revalucyi» i vieru ŭ toje, što mirnymi vystupleńniami možna pieramahčy «karumpavanyja aliharchičnyja režymy, pad kiravańniem jakich z 1991 hodu znachodzicca vialikaja častka postsavieckaj prastory».
Jana tłumačyć: «Karumpavanyja aliharchi, jakija padtrymlivajucca rasiejskimi hrašyma i rasiejskimi palittechnalohijami, akazalisia macniejšymi, čym dumali. U ich dosyć baksaŭ, kab kupić ceły parlament. U ich dosyć cynizmu, kab adradzić staruju savieckuju metodyku vybaračnaha hvałtu: adnaho-dvuch zabojstvaŭ dastatkova, kab zapałochać mnohija tysiačy demanstrantaŭ, a adnaho-dvuch aryštaŭ biznesmenaŭ — kab nahadać im, chto ŭ domie haspadar. Jany taksama navučylisia manipulavać ŚMI (jak heta robiać rasiejcy), pamnažać svaje kapitały ŭ zachodnich finansavych ustanovach (jak heta robiać rasiejcy) i navat rassyłać sms-paviedamleńni z pahrozami».
Pavodle Epłbaŭm, stratehija padychodu Zachadu da postsavieckaj prastory pavinna być nastupnaj: «Kali my chočam vykarystać sankcyi, patrebnyja sapraŭdnyja ekanamičnyja sankcyi, pryčym nakiravać ich varta na kankretnych vinavatych — jak u Maskvie, tak i ŭ Kijevie». «Surjoznyja pahrozy treba ŭsprymać surjozna. Na handlovy bajkot treba adkazvać handlovym bajkotam. Haniebnuju prapahandu nielha pakidać biez adkazu. Kali my chočam vykarystać sankcyi, patrebnyja sapraŭdnyja ekanamičnyja sankcyi, pryčym nakiravać ich varta na kankretnych vinavatych — jak u Maskvie, tak i ŭ Kijevie. Ale pierš čym što-niebudź zrabić, treba ŭśviadomić, što prablema nosić rehijanalny charaktar, i sumlenna pryznać maštaby hetaj niaŭdačy i hłybinnuju słabaść našaj raniejšaj palityki. Zakliki ŭžo nie pracujuć, para viarnucca na lod».
En Epłbaum — viadomaja amerykanskaja žurnalistka, jakaja vyvučaje ŭschodnieeŭrapiejski rehijon ad kanca 1980-ch. Jana žonka Radasłava Sikorskaha, ministra zamiežnych spravaŭ Polščy.
