U Maskvie ŭ ofis Sajuza abarony pravoŭ spažyŭcoŭ uvarvalisia 50 nieviadomych u maskach, paviedamiŭ telekanału «Dožd́» kiraŭnik arhanizacyi Michaił Anšakoŭ. Pa jaho słovach, napadniki šukali Kamitet salidarnaści z Majdanam.
Anšakoŭ paviedamiŭ, što budzie dabivacca zaviadzieńnia kryminalnaje spravy.
Pra stvareńnie Kamiteta salidarnaści z Majdanam raniej paviedamiŭ były daradcy prezidenta Rasii, ekanamist Andrej Iłaryjonaŭ. U svoim błohu jon napisaŭ, što kamitet źbiraje humanitarnuju dapamohu ŭdzielnikam Majdanu i paciarpiełym u Kijevie.
Kamitet taksama maje namier arhanizavać akcyi ŭ padtrymku Majdanu.
Rasijskija ŚMI aśviatlajuć padziei va Ukrainie adnaboka i nieabjektyŭna.
U Barysavie (Biełaruś) siońnia adbylisia zatrymańni i sudy nad fanatami futbolnaha kłuba BATE, jakija źmiaścili ŭ internecie kalektyŭnaje fota sa słovami salidarnaści z Majdanam.
