Rasijskaja Fiederacyja z-za pazicyi Jeŭrapiejskaha Sajuza ŭ spravie Ukrainy ŭ kancy minułaha tydnia vyrašyła pačać ź jeŭrapiejcami handlovuju vajnu, uvioŭšy zabaronu na pastaŭku śvininy. Pra heta siońnia piša polskaja Gazeta Wyborcza.
«Paśla samitu ŭ Bruseli, na jakim ES nie pakinuŭ Ukrainu, Rasija pačała handlovuju vajnu ź Jeŭropaj — embarha na pastaŭki śvininy. A Biełaruś nie budzie kuplać bulbu ŭ ES», — piša vydańnie.
Rasija tłumačyć zabaronu vypadkami afrykanskaj čumy ŭ Litvie, adznačajučy, što embarha datyčyć ŭsich dziaržavaŭ Jeŭrasajuza. Miž tym kali chvaroba śviniej raspaŭsiudziłasia na Biełaruś, to zabarona tyčyłasia tolki tych rajonaŭ, dzie jana była zafiksavana. Zrešty, hetaja chvaroba ŭ Litvu pryjšła praź Biełaruś z Rasii, dzie isnuje šmat ahmianioŭ infiekcyi.
Hazieta paviedamlaje, što Rasija tłumačyć zabaronu vypadkami afrykanskaj čumy ŭ Litvie, adznačajučy, što embarha datyčyć usich dziaržavaŭ Jeŭrasajuza.
«Heta zabarona źjaŭlajecca niepraparcyjnaj. Našy rasijskija partniory zabaraniajuć ekspart navat z tych dziaržaŭ ES, dzie niama takich vypadkaŭ», — zajaviŭ jeŭrakamisar pa pytańniach zdaroŭja Tonia Borh.
Rasija kuplaje kala čverci ekspartu śvininy ź dziaržaŭ Jeŭrasajuza — kala 700 tysiač ton na sumu 1,4 młrd jeŭra.