U Stolinskim rajonie vadziciela biez prava kiravańnia transpartnymi srodkami milicyjaniery spyniali z dapamohaj zbroi.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, 3 lutaha pryblizna ŭ 18.20 u vioscy Alšany inśpiektarami darožna-patrulnaj słužby DAI była zroblena sproba spynić «Miersiedes-Benc». Vadziciel nie vykanaŭ patrabavańnie supracoŭnikaŭ milicyi, pavialičyŭ chutkaść i pasprabavaŭ źjechać, stvaryŭšy realnuju pahrozu dla ŭdzielnikaŭ darožnaha ruchu.
Byŭ arhanizavany pieraśled aŭtamabila, padčas jakoha supracoŭniki milicyi praz hukaŭzmacnialnaje prystasavańnie nieadnarazova patrabavali ad vadziciela, kab jon spyniŭsia, ale toj nie padparadkoŭvaŭsia.
Za miežami vioski było pryniata rašeńnie ab vykarystańni tabielnaj zbroi. Inśpiektar darožna-patrulnaj słužby zrabiŭ čatyry papieradžalnyja streły ŭ pavietra i dva pa kołach aŭtamabila. Paśla hetaha transpartny srodkaŭ byŭ spynieny i vadziciel zatrymany. Im akazaŭsia vučań 11-ha kłasa miascovaj škoły, jaki nie maje prava kiravańnia transpartnymi srodkami. Pry miedycynskim ahladzie było ŭstanoŭlena, što jon ćviarozy.
