U Hrodnie supracoŭniki Dziaržaŭtainśpiekcyi pieraśledavali pjanaha rasiejca na pazadarožniku.
Jak paviedamili va ŭpraŭleńni DAI UUS Hrodzienskaha abłvykankama, na trajektoryju ruchu aŭtamabila «BMV- Ch5» z rasijskimi rehistracyjnymi znakami dniom 5 lutaha narad bataljona darožna-patrulnaj słužby źviarnuŭ uvahu na praśpiekcie Janki Kupały. Sihnał inśpiektara kiroŭca pazadarožnika praihnaravaŭ. Adarvaŭšysia na prystojnuju adlehłaść, paniośsia ŭ bok vulicy Pieramohi. Ihnarujučy praviły darožnaha ruchu (prajezd na čyrvony sihnał śviatłafora, niapropusk piešachodaŭ, vyjezd na sustrečnuju pałasu praz sucelnuju liniju raźmietki), lichač źbiraŭsia vyjechać za miežy horada. Dziakujučy ŭzhodnienym dziejańniam supracoŭnikaŭ DAI, na vulicy Padolnaj, dzie druhi narad svaim aŭtamabilem zabłakavaŭ prajezd, jaho zatrymali.
Akramia 24- hadovaha kiroŭcy ŭ aŭtamabili znachodzilisia pasažyry (dźvie dziaŭčyny i brat parušalnika). Pa słovach zatrymanaha, u Hrodna jon pryjechaŭ z Kalininhrada pa pracy. Noč pravioŭ u znajomych, dzie piŭ harełku. Pračnuŭšysia ranicaj, pachmialiŭsia i vyrašyŭ na raźvieźci subutelnic pa chatach.
Analiz na ŭtrymańnie ałkaholu ŭ jaho arhaniźmie pakazaŭ bolš za šaścirazovaje pieravyšeńnie normy.
