Na cyrymonii adkryćcia Alimpijskich hulniaŭ u Sočy razam z prezidentam Rasii Uładzimiram Pucinym u łožy siadzieła babśleistka Iryna Skvarcova.
Spartovaja karjera dziaŭčyny ciahnułasia niadoŭha — jana nie paśpieła zrabić nivodnaha zajezda na spabornictvach. U 2009 hodzie Skvarcova atrymała najciažejšyja traŭmy padčas trenirovačnych spuskaŭ na sanna-babślejnaj trasie ŭ niamieckim Kionihszieje. Paśla hetaha jana była vymušanaja pakinuć vialiki sport i syšła ŭ teležurnalistyku.
Akramia Iryny Skvarcovaj, u łožy hanarovych haściej pobač z Uładzimiram Pucinym znachodziŭsia šmathadovy trenier rasijskaj chakiejnaj zbornaj Barys Michajłaŭ, trenier pa fihurnym katańni Taćciana Tarasava, hanarovy prezident Alimpijskaha kamiteta Rasii, člen MAK i vykankama AKR Vital Śmirnoŭ.
Z druhoha boku siadzieŭ hienieralny sakratar AAN Pan Hi Mun.
