Siońnia, 9 lutaha, na Zimovych Alimpijskich hulniach razyhranyja vosiem kamplektaŭ uznaharodaŭ.
Apošniaja ŭznaharoda dnia — zołata palaka Kamila Stocha, gazeta.pl
Vyniki pieršaj pałovy dnia, a taksama rasijskaja kańbiežka zładziła vypadkovy stryptyz na finišy. Biełarusy vieryli ŭ miedal Domračavaj, ale Darja finišavała ŭ spryncie tolki dziaviataj.
U spabornictvach pa sannym sporcie pieramoh niemiec Fieliks Łoch. Rasijanin Albiert Dziemčanka zavajavaŭ srebra, a italjaniec Armin Cohieler — bronzu.
Zbornaja Rasii bliskuča vyjhrała kamandnyja spabornictvy pa fihurnym katańni, a jaje jarkaja pradstaŭnička Julija Lipnickaja stała samaj junaj pradstaŭnicaj Rasii i SSSR na Alimpijskich hulniach. Dziaŭčynie — na momant pieramohi było 15 hadoŭ i 249 dzion.
Užo pozna viečaram spabornictvy na siarednim tramplinie (k-95) vyjhraŭ palak Kamil Stoch (z vynikam 105,5+103,5),
słavieniec Pietier Prevc zavajavaŭ srebra, u Andersa Bardala z Narviehii — bronza. Takim čynam Narviehija ŭžo maje siem miedaloŭ Alimpijady.
U paniadziełak na Alimpijadzie budzie razyhrana čatyry kamplekty ŭznaharodaŭ:
na 500 m u kańkabiežnym sporcie (mužčyny), šort-treku (mužčyny, 1 500 m), hornych łyžach (słałam, supierkambinacyja, žančyny), projdzie bijatłonnaja honka pieraśledu ŭ mužčyn. Biełarusy biahuć.
Vyniki dvuch dzion Alimpijady:
| Zoł. | Sreb. | Bronza | Usiaho | |
|---|---|---|---|---|
| Narviehija | 2 | 1 | 4 | 7 |
| Hałandyja | 2 | 1 | 1 | 4 |
| ZŠA | 2 | 0 | 2 | 4 |
| Rasija | 1 | 2 | 1 | 4 |
| Kanada | 1 | 2 | 1 | 4 |
| Aŭstryja | 1 | 1 | 0 | 2 |
| Hiermanija | 1 | 0 | 0 | 1 |
| Šviejcaryja | 1 | 0 | 0 | 1 |
| Słavakija | 1 | 0 | 0 | 1 |
| Polšča | 1 | 0 | 0 | 1 |
| Šviecyja | 0 | 2 | 0 | 2 |
| Italija | 0 | 1 | 1 | 1 |
| Finlandyja | 0 | 1 | 0 | 1 |
| Słavienija | 0 | 1 | 0 | 1 |
| Čechija | 0 | 0 | 1 | 1 |
| Ukraina | 0 | 0 | 1 | 1 |
| Brytanija | 0 | 0 | 1 | 1 |
