«Darahoje jaječka da Vialikadnia» padumali muzykanty «RSP» i napisali novuju pieśniu na aktualnuju temu.
Jak raspavioŭ vakalist hurtu Dzianis Tarasienka, ideja napisać pieśniu naradziłasia jak refleksija na zdymki epizodu adnaho filma na adnoj minskaj płoščy:
«My ŭsio byli ŭražanyja kreatyvam bryhadzira pa masoŭcy. Tak skłałasia, što heta supała i z našym unutranym nastrojem. My vielmi chutka jaje prydumali, na nastupny dzień zapisali i prezientujem jaje napiaredadni našaha kancerta, što projdzie 14-ha lutaha, kab ludzi paśpieli vyvučyć słovy chacia b prypieva i padpiavali nam. Muzyki heta vielmi lubiać!»
U hetaj kampazicyi «RSP» vyrašyli nie pryviazvacca da kankretnych padziej i abahulnić u pieśni roznyja pieražyvańni. Sami muzyki nazyvajuć «Čto-to nie tak» pieśniaj pra žyćcio i kachańnie.
«U joj kožny znojdzie niešta svajo, ja harantuju!» — zapeŭnivaje Dzianis Tarasienka i zaprašaje na solny kancert «Raźbitaha serca pacana», što projdzie 14-ha lutaha ŭ staličnym kłubie «Centr».
