Jašče adzin dacki zaapark zajaviŭ pra svaje płany zabić žyrafu, kab pieraškodzić prahramie dalejšaha raźviadzieńnia žyvioł. Samiec źjaŭlajecca ciozkam Maryusa, jakoha zabili 9 lutaha ŭ zaaparku Kapienhahiena.
Pad pahrozaj zabojstva žyrafa Maryus, jaki žyvie ŭ zaaparku «Jutłandyja-Park».
Jak i ŭ vypadku z kapienhahienskim ciozkam, Maryusa pryznali nieprydatnym dla naščadkaŭ. Zaaparku daviadziecca ŭsypić jaho, kab im adpravili samku dla susieda Maryusa pa valjery.
Supracoŭnica zaaparka Jani Poułsien patłumačyła, što va ŭstanovie hatovyja vykanać rašeńnie ab zabojstvie Maryusa, niahledziačy na skandał, źviazany ź jaho ciozkam z Kapienhahiena.
Žyrafu Maryusa z Kapienhahienskaha zaaparka zabili ŭ pačatku lutaha ź pnieŭmatyčnaha arbaleta, kab nie dapuścić imbrydynhu (skryžavańnia ź inšymi asobinami toj ža papulacyi). Praces zabojstva i ŭskryćcia praviali ŭ prysutnaści naviedvalnikaŭ zaaparka.
Sprava zajmieła niemały rezanans u hramadstvie.
