Viadučaja ŭkrainskaja harnałyžnica Bahdana Macieckaja, jakaja płanavała start u śpiecyjalnym słałamie ŭ piatnicu, admoviłasia ad dalejšaha ŭdziełu ŭ Alimpijskich hulniach u Sočy ŭ znak pratestu suprać palityki prezidenta Ukrainy Viktara Janukoviča.
Adpaviednuju zajavu na svajoj staroncy ŭ Facebook apublikavaŭ baćka i trenier harnałyžnicy Aleh Maciecki:
«My, členy Nacyjanalnaj alimpijskaj zbornaj kamandy Ukrainy: Macieckaja Bahdana i Maciecki Aleh, vielmi aburanyja apošnimi dziejańniami prezidenta Ukrainy V. Janukoviča, jaki zamiest taho, kab vyrašyć kanflikt pieramovami z Majdanam (na što my da kanca spadziavalisia, źjaždžajučy na Alimpijskija Hulni ŭ Sočy), patapiŭ nadziei Ukraincaŭ u kryvi. čym parušyli pry hetym adviečny pryncyp Alimpijskich Hulniaŭ - Mir padčas praviadzieńnia.
U znak salidarnaści z baraćbitami na barykadach Majdana, i ŭ znak pratestu suprać bandyta-prezidenta i jaho chałujskaha ŭrada, my admaŭlajemsia ad dalejšaha vystupu na Alimpijskich Hulniach u Sočy ŭ 2014 hodzie. Viečnaja pamiać zahinułym hierojam za Volu Ukrainy! Słava Ukrainie i jaje Hierojam!».
Spartmienka nie ličyłasia favarytkaj u spabornictvach u Sočy.