Adpaviednaje rašeńnie pryniataje 19 lutaha na 28-j siesii Minskaha harsavieta, pišuć «Minsk-Naviny».
Vulica kniazioŭ Astrožskich budzie iści ad vulicy Janki Bryla. Samyja viadomyja pradstaŭniki rodu — baćka i syn, Kanstancin Ivanavič Astrožski i Kanstancin-Vasil Kanstancinavič Astrožski. Baćka viadomy jak vydatny pałkavodziec. U 1514 hodzie jon razhramiŭ šmatkroć bolšaje maskoŭskaje vojska pad Oršaj. Vasil-Kanstancin Astrožski, jak i baćka, byŭ abaroncam pravasłaŭja ŭ Vialikim Kniastvie Litoŭskim. U svaich uładańniach jon zasnavaŭ bolš za 600 cerkvaŭ i 20 manastyroŭ.
Vulica Tyškievičaŭ budzie iści ad vulicy Hurskaha. Najbolš viadomyja pradstaŭniki rodu — braty Kanstancin i Jaŭstach Tyškievičy. Heta biełaruskija archieołahi, historyki, etnohrafy. U 1842 hodzie jany zasnavali pieršy ŭ Biełarusi muziej staražytnaściaŭ, Braty daśledavali sotni kurhanoŭ na Łahojščynie, Barysaŭščynie, Minščynie, u Drucku, Halšanach, Krevie, Miry dy inšych miescach.
