Zaviedziena kryminalnaja sprava suprać słužbovych asobaŭ žyllova-kamunalnaha ŭpraŭleńnia «Hatava» KUP «ŽKH Minskaha rajona».
«Ustanoŭlena, što padazravanyja złoŭžyvali słužbovymi paŭnamoctvami, fiktyŭna pracaŭładkavali minčuka na nazvanaje pradpryjemstva ŭ jakaści apieratara vodapravodna-kanalizacyjnaha ŭčastka, jakomu naličvaŭsia zarobak, ale realna apošni tam nie pracavaŭ. Naličanyja hrašovyja srodki z bankaŭskaj kartki zdymalisia i raźmiarkoŭvalisia pamiž słužbovymi asobami. Imi było skradziena bolš za 54 miljony rubloŭ», — paviedamiła pradstaŭnik USK pa Minskaj vobłaści Taćciana Biełanoh.
Naniesienaja škoda ŭžo całkam kampiensavanaja.
Kryminalnaja sprava zaviedziena za kradziež šlacham złoŭžyvańnia słužbovymi paŭnamoctvami, ździejśnieny hrupaj asobaŭ pa papiaredniaj zmovie ŭ bujnym pamiery. Za takoje złačynstva praduhledžvajecca pakarńnie ŭ vyhladzie pazbaŭleńnia voli ad troch da dziesiaci hadoŭ z kanfiskacyjaj majomaści i pazbaŭleńniem prava zajmać peŭnyja pasady albo zajmacca peŭnaj dziejnaściu.