Kulturnickaja placoŭka «Art-Siadziba» piaty raz za dva hady vymušana pakinuć pamiaškańnie — hetym razam kurataraŭ zapeŭnivajuć, što ich pamiaškańnie spatrebiłasia pad cech dla pašyvu. Ale jak śćviardžaje adzin z zasnavalnikaŭ placoŭki Pavieł Biełavus, «Siadzibu» čarhovy raz vysialajuć niepasredna za jaje dziejnaść.
«My vyrašyli padyści da pošukaŭ novaj placoŭki kreatyŭna, - raskazvaje Pavieł Biełavus. – My padličyli, što na nabyćcio svajho pamiakašńnia nam treba pryblizna $200 tysiač. Ciapier my zasnavali sajt http://dom.artsiadziba.by/, dzie kožny žadajučy moža kupić za piać dalaraŭ «cahlinku» budučaj «Art-Siadziby»».
«Siadzibaŭcy» raźličvajuć na dapamohu ad biznesoŭcaŭ i biełarusaŭ zamiežža. Pa słovach Biełavusa, kali Nacyjanalnuju biblijateku pabudavali razam, to čamu niemahčyma takim ža čynam pabudavać «Art-Siadzibu», niezaležnuju placoŭku.
Taksama «siadzibaŭcy» abviaščajuć marafon u padtrymku placoŭki: ich pavinny vysielić da 21 lutaha. Damovu pieršapačatkova zaklučyli da vieraśnia 2014-ha, a arenda apłačana da kanca miesiaca. Ciapier na «Art-Siadzibie» kožny dzień buduć adbyvacca raznastajnyja imprezy.
«Budziem zmahacca da taho momantu, pakul nam nie paćvierdziać, što ŭ hetym pamiaškańni budzie cech, ci chacia b nazavuć sapraŭdnuju pryčynu vysialeńnia», — kaža spadar Biełavus.
