Deputaty Viarchoŭnaj Rady Ukrainy pa vynikach sustrečy z pradstaŭnikami krymskaha parłamienta damovilisia stvaryć pracoŭnuju hrupu dla padrychtoŭki źmianieńniaŭ u kanstytucyju Krymu. Pra heta paviedamlaje ahienctva «Interfaks» sa spasyłkaj na deputata ad Partyi rehijonaŭ Niestara Šufryča.
Pavodle jaho słoŭ, na sustrečy pradstaŭniki Kryma ahučyli pytańni, uźniatyja parłamientam respubliki i jaje nasielnictvam. Sutnaść hetych pytańniaŭ Šufryč nie ŭdakładniŭ. Paśla hetaj razmovy było vyrašana stvaryć mižparłamienckuju hrupu, jakaja vyvučyć mahčymaść źmieny kanstytucyi Kryma z metaj pašyreńnia paŭnamoctvaŭ respubliki.
Raniej deputat ukrainskaha parłamienta Piotr Parašenka dapuściŭ mahčymaść pašyreńnia paŭnamoctvaŭ Kryma pry ŭmovie, što respublika zastaniecca ŭ składzie krainy. Jon taksama zaklikaŭ kaleh-palitykaŭ jechać u Krym i padtrymlivać tam ŭkrainskich vajskoŭcaŭ i hramadzianskaje nasielnictva.
