U Kijevie da ŭzbrojenaha kanfliktu pamiž pratestoŭcami i supracoŭnikami milicyi, u vyniku jakoha zahinuła amal 100 čałaviek, maje dačynieńnie treciaja siła.
Pra heta ŭ Charkavie padčas pradstaŭleńnia novaha staršyni abłdziaržadministracyi skazaŭ v.a. ministra ŭnutranych spraŭ Ukrainy Arsien Avakaŭ.
«Dva tydni tamu byŭ čas, kali ŭ Kijevie śvistali kuli, u samym centry. Praciahvajecca vialikaje surjoznaje rasśledavańnie. Ja dumaju, što pryjdzie čas, i my apublikujem fakty: chto stralaŭ, kali stralaŭ, pa jakoj kamandzie. Fakty zaraz źbirajucca ŭ adziny łancuh.
Mahu tolki skazać adno, što klučavym faktaram u hetym supraćstajańni, jakoje vyliłasia ŭ kryvavaje paboišča ŭ Kijevie, jakoje pieraviarnuła front z noh na hałavu i ŭviało ŭ stan šoku, była treciaja siła. I hetaja siła - nie ŭkrainskaja.
Ja vielmi chaču, kab my heta ŭsio jasna razumieli», — skazaŭ Avakaŭ.
«Heta nie pytańnie palityčnaha supraćstajańnia. Heta pytańnie čałaviečych kaštoŭnaściaŭ, heta pytańnie našaha adčuvańnia taho, što zdaryłasia. Niedapuščalna, kali trecija siły dazvalajuć sabie tut kiravać nami», — dadaŭ jon.