Ukraina hatovaja da budaŭnictva novaha stylu adnosin z Rasijaj pry pavazie jaje suvierennych pravoŭ, u pryvatnaści, vybaru źniešniepalityčnaha viektara, zajaviŭ u chodzie bryfinhu premjer-ministr Ukrainy Arsienij Jacaniuk.
«Niama nijakich padstaŭ dla taho, kab Rasija, parušajučy šerah dvuchbakovych pahadnieńniaŭ, pačynajučy ź vialikaha dahavora 1997 hoda i zakančvajučy Budapiešckim miemarandumam, ŭvodziła svaje vojski na terytoryju niezaležnaj suvierennaj dziaržavy.
Tamu my jašče raz zaklikajem rasijski ŭrad i rasijskaha prezidenta nieadkładna spynić vajennuju ahresiju na terytoryi Ukrainy.
Ukraina hatovaja da budaŭnictva novaha stylu adnosin z Rasijskaj Fiederacyjaj, dzie Rasija pavažaje suvierennaje prava Ukrainy ŭ dačynieńni da vybaru źniešniepalityčnaha viektara Ukrainskaj dziaržavy.
A mienavita hety vybar — heta padpisańnie pahadnieńnia z našymi jeŭrapiejskimi partniorami «, — skazaŭ Jacaniuk.
