Siońnia ŭ Krymie ekipaž karabla «Słavucič» Vajenna-marskich sił Uzbrojenych sił Ukrainy praduchiliŭ sprobu zachopu karabla ŭzbrojenymi ahresarami.
Pra heta paviedamili va Upraŭleńni presy i infarmacyi Ministerstva abarony Ukrainy.
«Uzbrojenyja ludzi na buksiry padyšli da borta karabla, ale ekipaž daŭ siłavy adpor. Była sproba vysadzić abardažnyja kamandy, zachapić karabiel, zbroju i marakoŭ», — paviedamiŭ kamandzir bryhady nadvodnych karabloŭ VMS US Ukrainy kapitan 2-ha ranhu Vital Źviahincaŭ.
Karabli Čarnamorskaha fłotu Rasijskaj Fiederacyi praciahvajuć błakavać karabli Vajenna-marskich sił Uzbrojenych sił Ukrainy ŭ Krymie.
Usie vajskovyja častki i karabli US Ukrainy, jakija dysłakujucca na terytoryi AR Krym, vykonvajuć zahady Ministerstva abarony i Hienieralnaha štaba Uzbrojenych Sił Ukrainy, padkreślivajecca ŭ paviedamleńni.