Viarchoŭnaja Rada Ukrainy pryznačała v.a. ministra abarony hienierał-pałkoŭnika Michaiła Kovala.
Za adpaviednuju pastanovu № 4353, pradstaŭlenuju śpikieram Alaksandram Turčynavym, prahałasavaŭ 251 deputat.
Ihar Cieniuch padaŭ u adstaŭku.
Koval paśla pryznačeńnia padziakavaŭ Cieniuchu. «Ja vieru ŭ uzbrojenyja siły Ukrainy», - adznačyŭ novy v.a. ministra abarony.
Michaił Koval naradziŭsia ŭ 1956 hodzie ŭ h. Iziasłaŭ Chmialnickaj vobłaści. U 1997—1999 — načalnik štaba, kamandzir tankavaj dyvizii armiejskaha korpusa Paŭnočnaha apieratyŭnaha kamandavańnia; u 1999—2001 — načalnik štaba — pieršy namieśnik kamandujučaha armiejskaha korpusa Zachodniaha apieratyŭnaha kamandavańnia;
U 2002—2003 — pieršy namieśnik staršyni Dziaržkamiteta pa spravach achovy dziaržaŭnaj miažy Ukrainy — Kamandujučaha Pamiežnych vojskaŭ Ukrainy; z 2003 hoda pieršy namieśnik staršyni Dziaržaŭnaj pamiežnaj słužby Ukrainy — dyrektar Departamienta pa pracy z asabovym składam.
5 sakavika nieviadomyja vykrali Kovala kala vajennaj častki pad Jałtaj.
Praz try hadziny jaho adpuścili, tak i nie daŭšy tłumačeńniaŭ. Pa słovach hienierał-pałkoŭnika, u vykradańni prymali ŭdzieł rasijskija vajskoŭcy.
