Sabataž
bajavik, kryminalnaja drama
Režysior: Devid Ejer
U rolach: Arnold Švarcenehier, Mirej Inas, Alivija Uiljams, Džo Manhańjeła, Sem Uorcinhtan, Maks Marcini.
ZŠA, 109 chv.
Elitnaja apieratyŭnaja hrupa DEA na čale z Džonam Uortanam zmahajecca z samymi niebiaśpiečnymi narkakartelami ŭ śviecie.
Kamanda śpiecyjalizujecca na składanych mabilnych apieracyjach i čarhovy raz ździajśniaje rejd na kanśpiratyŭnuju kvateru kartela. Toje, što vyhladaje jak typovaja apieracyja, na samaj spravie akazvajecca pradumanym pracesam kradziažu hrošaj, jaki atrad DEA zahadzia spłanavaŭ. Ale kali kamanda viartajecca pa miljony, vykradzienych hrošaj u schoviščy niama, a sama hrupa padpadaje pad padazreńnie. Atrad miarkuje, što ich sakret znachodzicca ŭ biaśpiecy, bo ŭsie maŭčać, adnak chtości pa adnym pačynaje zabivać členaŭ kamandy.
Režysior Devid Ejer — adzin z najbolš jarkich pradstaŭnikoŭ u žanry kryminalnaj dramy («Karali vulic», «Patrul»).
U supracoŭnictvie z Žaleznym Arni jon stvaryŭ bajavik, jaki adroźnivajecca ad bratoŭ pa žanry chvacka zakručanym siužetam. Arni ž vystupaje ŭ svaim ampłua krutoha vajaki z asabistaj dramaj. Staje i adsyłak da minułych epičnych rolaŭ. U filmie bieźlič kryvavych kadraŭ, tamu ludziam ź nietryvałaj psichikaj hladzieć nie rekamiendujecca.
Film «Sabataž» u minskich kinateatrach idzie u kinacentry «U Zamku» (pr. Pieramožcaŭ, 65) i ŭ kinateatry «Biełaruś» (Ramanaŭskaja Słabada, 28).
