U Słaviansku Danieckaj vobłaści praz praviadzieńnie antyterarystyčnaj apieracyi začynieny škoły, sady i kramy. Pra heta paviedamlajecca na časovym sajcie Danieckaj abłasnoj dziaržaŭnaj administracyi.
Pavodle dadzienych, žycharam horada rekamiendavana znachodzicca doma.
«U horadzie začynieny škoły, sadki, mahaziny. Usie siły Narodnaj samaabarony, uzbrojenyja bajcy «narodnaha apałčeńnia» pryviedzieny ŭ bajavuju hatoŭnaść», - havorycca ŭ paviedamleńni.
Akramia taho, pa dadzienych pres-słužby Danieckaj abładministracyi, zaraz vajennyja ŭkrainskaj armii vycisnuli apałčencaŭ z błokpasta ŭ rajonie kambikormavaha zavoda.
Siońnia sieparatysty ŭ Słaviansku trymajuć budynak haradskoha ŭpraŭleńnia milicyi, SBU, harsaviet, balnicy i haścinicy.
U chodzie antyterarystyčnaj apieracyi ŭ Słaviansku zahinuli 5 čałaviek.
