Lehiendarny niamiecki honščyk Michael Šumachier vyjšaŭ sa stanu miedykamientoznaj komy i zmoh paznać svaju žonku Karynu. Pra heta paviedamiła aficyjny mieniedžer Šumachiera Sabina Kem, pieradajuć infarmahienctvy.
Pa słovach Kem, zdaroŭje Šumachiera palapšajecca, adnak arhanizm honščyka jašče vielmi słaby, tamu jon to pračynajecca, to znoŭ zasynaje.
Taksama stała viadoma, što Michael Šumachier ustanaviŭ zrokavy kantakt sa svajoj žonkaj Karynaj. Mahčymaść pacyjentaŭ paśla kamatoznaha stanu ŭstaloŭvać zrokavy kantakt z navakolnymi źjaŭlajecca pakazčykam taho, što ich razumovaja dziejnaść zachavałasia.
Michael Šumachier byŭ špitalizavany 29 śniežnia 2013 paśla incydentu na harnałyžnym kurorcie Merybiel u Francyi. Honščyk niaŭdała ŭpaŭ i stuknuŭsia hałavoj ab kamień. Niahledziačy na toje, što Šumachier byŭ u achoŭnym šlemie, atrymanaja im traŭma akazałasia surjoznaj i stała pryčynaj krovaźlićcia ŭ mozh. Lekary pryniali rašeńnie ŭvieści pacyjenta ŭ stan štučnaj komy.
