U punkcie mytnaha afarmleńnia «Brest-Centralny» 24 krasavika ŭ pasažyra ciahnika Maskva — Paryž kanfiskavana bujnaja suma niezadekłaravanaj valuty.
Jak paviedamili u pres-hrupie Bresckaj mytni, 26-hadovy žychar Maskoŭskaj vobłaści zajaviŭ supracoŭnikam mytni pra najaŭnaść u jaho sumy, jakaja nie pieravyšaje ŭ ekvivalencie 10 tys. dołaraŭ ZŠA, i pradjaviŭ 7 tys. 240 jeŭra. Razam z tym padčas mytnaha ahladu ŭ kišeni jaho šortaŭ było znojdziena jašče 32 tys. jeŭra.
Niepracujučy hramadzianin Rasii, jaki nakiroŭvaŭsia ŭ Paryž, rastłumačyŭ, što naŭmysna nie zajaviŭ pra hetu valutu, bo nie chacieŭ jaje dekłaravać.
Pavodle pravił, pry adnačasovym vyvazie hrašovych srodkaŭ na ahulnuju sumu, jakaja pieravyšaje ŭ ekvivalencie 10 tys. dołaraŭ ZŠA, hrašovyja srodki padlahajuć dekłaravańniu ŭ piśmovaj formie šlacham padačy pasažyrskaj mytnaj dekłaracyi na ŭsiu sumu vyvaznych najaŭnych hrašovych srodkaŭ.
U dačynieńni da rasijanina składzieny pratakoł na padstavie č. 2 art. 14.5 KoAP, a 32 tys. jeŭra jak pradmiet pravaparušeńnia kanfiskavanyja mytniaj da rašeńnia suda.
Hramadzianinu Rasii pakinuli 7,24 tys. jeŭra, što ŭ ekvivalencie składaje 10 tys. dołaraŭ, jakija možna pieravozić praź miažu bieź piśmovaha dekłaravańnia.