Błohier Šarunas Matulavičus śćviardžaje, što vyśvietliŭ, chto ŭ Litvie raspaŭsiudžvaje «hieorhijeŭskija stužački» — heta ambasada Rasii. Pra heta jon paviedamiŭ u svaim błohu i ŭ sacyjalnaj sietcy Facebook.
«Infarmacyjaj pra toje, dzie ŭ Litvie razdajuć hetyja stužački, u subotu ŭviečary padzialiłasia niesiabroŭskaja ŭ adnosinach da Litvy i majučaja niamała prychilnikaŭ staronka Facebook «Za pravuju spravu. Ruskija Litvy, jadnajciesia», — piša Matulavičus.
«Paviedamlajecca, što ŭ apošni čas administratary Facebook atrymlivajuć niamała pytańniaŭ ab tym, dzie možna ŭziać hieorhijeŭskija stužački. Tut ža zhadvajecca, što ich razdajuć u pasolstvie RF, u Vilni, na vulicy Łatviu. Z adnaho boku byccam by heta nie ździŭlaje, pakolki na vulicy Łatviu i nie takoje raspaŭsiudžvajuć, uklučajučy i admoŭnyja kamientary na infarmacyjnych partałach», — piša błohier.
Pavodle jaho słoŭ, na hetaj staroncy Facebook zaklikajuć brać pabolš stužačak, kab razdać ich siabram, členam siamji i svajakam.
Matulavičus adznačaje, što sami stužački ŭ Litvie źjava nie novaja. Pasolstva raspaŭsiudžvaje ich nie ŭ pieršy raz, tolki jany nie byli paznavalnyja žycharami. Jany «prasłavilisia» mienavita padčas kryzisu va Ukrainie.
