Dla zručnaści haściej i balelščykaŭ čempijanatu śvietu pa chakiei Biełaruskaja čyhunka ŭvodzić śpiecyjalny hrafik ruchu ciahnikoŭ haradskich linij da spartyŭnych abjektaŭ — «Minsk-Arena» (p.p. Masiukoŭščyna) i «Čyžoŭka-Arena» (p.p. Łošyca).
Pra heta paviedamili ŭ pres-słužbie BČ. U hrafiku ŭličany čas pačatku i zakančeńnia ŭsich matčaŭ. Na čas praviadzieńnia čempijanatu raspracavana piać pieryjadaŭ ruchu ciahnikoŭ haradskich linij: z 9 pa 10 i z 12 pa 20 maja; 11 maja; 22 maja; 24 maja; 25—26 maja.
Akramia taho, u dapaŭnieńnie da ŭžo isnujučych maršrutaŭ haradskich linij u stalicy z 9 pa 10 i z 12 pa 20 maja sučasnyja elektraciahniki buduć kursiravać u skraznych znosinach praz stancyju «Minsk-Pasažyrski» i źviažuć pamiž saboj «Minsk-Arenu» i «Čyžoŭka-Arenu».
Intervał ruchu ciahnikoŭ haradskich linij va ŭkazanyja pieryjady budzie składać 10—15 chvilin.
Praduhledžana pa try pary ciahnikoŭ da pačatku i zakančeńnia kožnaha matču. Hrafik uzhodnieny ź dziaržaŭnaj ustanovaj «Staličny transpart i suviaź» i Dyrekcyjaj pa praviadzieńni čempijanatu śvietu pa chakiei z šajbaj 2014 hoda.
