U Kapienhahienie siońnia projdzie druhi paŭfinał «Jeŭrabačańnia-2014». Pradstaŭnik Biełarusi Tea vyjdzie na scenu pad dziasiatym numaram.
U numary taksama ŭdzielničajuć bek-vakalisty Arciom Achpaš, Juryj Sielaźnioŭ, Dzianis Lis, tancory Alaksandr Zaleski i Andrej Martynaŭ.
U toj čas jak biełaruski bojz-bend budzie zmahacca za vychad u finał, u adnym ź minskich kłubaŭ źbiarucca siabry Tea, kab razam pahladzieć pramuju tranślacyju šou i pabaleć za jaho. Padtrymać kankursanta pryjduć Daryja, Hierman, Ivan Busłaj, Vieniera, Alaksiej Hros, Vital Karpanaŭ, Nina Bahdanava, hrupa «Napoli», pradziusar Uładzimir Kubyškin, kampazitar Leanid Šyryn, Alaksiej Chlastoŭ, Viera Karetnikava.
U druhim paŭfinale vystupiać vykanaŭcy z 15 krain. U finał vyjdzie tolki lepšaja dziasiatka. Artysty vystupiać u nastupnym paradku:
1. Malta - Firelight «Coming home»;
2. Izrail - Mej Fajnhold «Same Heart»;
3. Narviehija - Karł Eśpien «Silent storm»;
4. Hruzija The Shin i Maryko «Three Minutes to Earth»;
5. Polšča Donatan & Cleo «My Siowianie - We Are Slavic»;
6. Aŭstryja - Kančyta Vurst «Rise Like a Phoenix»;
7. Litva - Vilija Matačunajte «Attention»;
8. Finlandyja - Softengine «Something Better»;
9. Irłandyja - Can-linn i Kiejsi Śmit «Heartbeat»
10. Biełaruś - Tea «Cheesecake»;
11. Makiedonija - Cijana Dapčevič «To the sky»;
12. Šviejcaryja - SEBalter «Hunter of Star»;
13. Hrecyja - Freaky Fortune i RiskyKidd «Rise Up»;
14. Słavienija - Cinkara Kovač «Round and Round»;
15. Rumynija - Paŭła Sielinh i Ovi «Miracle».
Napiaredadni druhi paŭfinał aceńvała žury. Siońnia buduć hałasavać hledačy krain - udzielnic šou.
Usiaho ž pa vynikach dvuch paŭfinałaŭ adbiaruć 20 lepšych vykanaŭcaŭ. Razam z artystami krain «vialikaj piaciorki» (Vialikabrytanii, Hiermanii, Italii, Francyi, Ispanii) i pieramožcy minułaha konkursu Danii jany vystupiać u finale «Jeŭrabačańnia» 10 maja.
Paradak vystupleńnia ŭdzielnikaŭ u subotnim šou ahučać siońnia viečaram.
Tranślacyja druhoha paŭfinału «Jeŭrabačańnia-2014» pačniecca ŭ 22.00 pa minskim časie. Konkurs u pramym efiry pakažuć telekanały «Biełaruś 1» i «Biełaruś 24»
