Pad nahladam prezidenta Rasii Uładzimira Pucina pravodzicca poŭnamaštabnaja simulacyja jadziernaha ŭdaru ŭ adkaz na mierkavany nastup praciŭnika.
«Da treniroŭki pryciahvajucca siły i srodki ŭsich vajskovych akruhaŭ, Rakietnych vojskaŭ stratehičnaha pryznačeńnia, vojskaŭ Pavietrana-kaśmičnaj abarony i kamandavańnie Dalokaj avijacyjaj», — zajaviŭ ministr abarony Siarhiej Šajhu.
U ramkach vučeńniaŭ z kasmadroma «Plasieck» zapuścili mižkantynientalnuju balistyčnuju rakietu «Tapola», jakaja paśpiachova trapiła ŭ cel na Kamčatcy. Dva puski rakiet praviali padvodnyja łodki Paŭnočnaha i Cichaakijanskaha fłatoŭ.
Akramia taho, rakietnyja krejsiery stratehičnaha pryznačeńnia «Tuła» i «Padolsk» zapuścili rakiety z padvodnaj pazicyi z akvatoryi Barancavaha i Achockaha moraŭ.
Paviedamlajecca, što Pucin «daŭ stanoŭčuju acenku ŭzroŭniu padrychtoŭki rasijskich Uzbrojenych sił».