Terarysty vykrali i spalili ŭ mašynie 35-hadovaha fiermiera, kiraŭnika Čyrvonalimanskaha adździaleńnia patryjatyčnaj arhanizacyi «Praśvieta» Valeryja Sała. Pra heta paviedamlaje adździeł suviaziaŭ z hramadskaściu Łuhanskaj milicyi.
«U Kremienskim rajonie Łuhanskaj vobłaści ŭ spalenym aŭtamabili znojdzieny trup 35-hadovaha fiermiera ź vioski Šandryhałovaje Čyrvonalimanskaha rajona Danieckaj vobłaści Valeryja Sała», — havorycca ŭ paviedamleńni.
Jaho mašynu ŭ centry vioski spynili ŭzbrojenyja bajeviki, prymusili jaho vyjści i źbili. Paśla hetaha jaho biez prytomnaści pahruzili ŭ bahažnik jaho ž mašyny i pavieźli ŭ nieviadomym kirunku.
Sała byŭ aktyvistam Jeŭramajdanu i vystupaŭ za adzinstva Ukrainy.
Učora va ŭłasnych aŭtamabilach byli rasstralany pradprymalnik i jahonaja žonka. Ich dačka ciažka paranienaja. Taksama ŭčora byŭ zabity pravasłaŭny śviatar. Ciažkija bai adbylisia ŭ Maryupali.
