Saviecki i rasijski paet-piesieńnik Anatol Papiarečny va ŭzroście 79 hadoŭ pamior u noč na niadzielu, 18 maja, u Maskvie. Pra heta Lenta.ru paviedamiŭ jaho svajak.
Anatol Papiarečny naradziŭsia 22 listapada 1934 h. va Ukrainie, u Mikałajeŭskaj vobłaści Ukrainy. U hady Vialikaj Ajčynnaj vajny jon žyŭ razam z maci na Urale, adnak ŭ 1944 hodzie jany viarnulisia ŭ Mikałajeŭ, dzie budučy paet skončyŭ dziesiać kłasaŭ. Pa zakančeńni škoły pracavaŭ na Čarnamorskim sudnabudaŭničym zavodzie. U 1954 hodzie skončyŭ Leninhradski piedinstytut. U 1960 Papiarečnaha pryniali ŭ Sajuz piśmieńnikaŭ SSSR.
Papiarečny — aŭtar 22 zbornikaŭ paem i vieršaŭ.
Jon, u pryvatnaści, napisaŭ vieršy da takich papularnych estradnych piesien, jak «Sołovjinaja roŝa», «Malinovyj zvon», «Aist na kryšie», «Brodiaha» (u vykanańni Valeryja Lavoncieva), «Duša bolit» (Michaił Šufucinski), «Trava ŭ doma» (Ziamlanie).
Napisaŭ jon niekalki tvoraŭ i dla biełaruskich vykanaŭcaŭ: «Alesia — dziaŭčyna z Paleśsia», jakuju vykonvali «Siabry» (nie błytać ź pieśniaj na słovy A.Kulašova ŭ vykanańni «Pieśniaroŭ»), «Kaliny kust» (Jarasłaŭ Jeŭdakimaŭ), a pieśnia «Malinaŭka» (muzyku napisaŭ E. Chanok) u vykanańni «Vierasoŭ» stała supierchitom.
