Sudom Frunzienskaha rajona Minska vyniesieny pryhavor pa kryminalnaj spravie ab niezakonnym abarocie narkatyčnych srodkaŭ, psichatropnych rečyvaŭ, ich prekursoraŭ i anałahaŭ.
Jak paviedamiła kiraŭnik pres-słužby Viarchoŭnaha suda Biełarusi Julija Laskova, na łavie padsudnych znachodzilisia siem čałaviek. Troje ź ich pryznanyja sudom vinavatymi ŭ złačynstvie, praduhledžanym č. 3 art. 328 KK, i im pryznačana pakarańnie ŭ vyhladzie praciahłych terminaŭ pazbaŭleńnia voli.
Jany abvinavačany ŭ nabyćci, zachoŭvańni, pieravozcy i zbycie asabliva niebiaśpiečnych psichatropnych rečyvaŭ i ich anałahu, učynienym hrupaj asob, a taksama asobami, jakija raniej učyniali złačynstva, praduhledžanaje art. 328 KK. Adzin ź fihurantaŭ spravy pryhavorany da 12 hadoŭ pazbaŭleńnia voli z kanfiskacyjaj majomaści z adbyvańniem pakarańnia ŭ papraŭčaj kałonii va ŭmovach uzmocnienaha režymu; dvoje inšych — da 11 hadoŭ pazbaŭleńnia voli z kanfiskacyjaj majomaści, z adbyvańniem pakarańnia ŭ papraŭčaj kałonii va ŭmovach uzmocnienaha režymu kožnamu.
Astatnija čaćviora abvinavačvanych pryznanyja sudom vinavatymi va ŭčynieńni złačynstva, praduhledžanaha č. 1 art. 328 KK, i im pryznačana miakčejšaje pakarańnie.
Pryhavor moža być abskardžany va ŭstanoŭlenym zakonam paradku.