Alaksandr Łukašenka viečaram 28 maja prybyŭ u Astanu dla ŭdziełu ŭ pasiadžeńni Vyšejšaha jeŭrazijskaha ekanamičnaha savieta na ŭzroŭni kiraŭnikoŭ dziaržaŭ, jakoje projdzie ŭ piatnicu.
Čakajecca, što Łukašenka, Uładzimir Pucin i Nursułtan Nazarbajeŭ praviaduć pasiadžeńnie ŭ vuzkim składzie, a zatym da ich dałučacca prezidenty Armienii, Kyrhyzstana i členy delehacyj, paviedamiła raniej pres-słužba biełaruskaha kiraŭnika.
Miarkujecca, što ŭ centry ŭvahi samitu budzie znachodzicca pytańnie padpisańnia damovy ab Jeŭrazijskim ekanamičnym sajuzie (JEAES).
Pierad vyletam u Kazachstan Łukašenka pravioŭ naradu pa pytańniach padpisańnia damovy ab stvareńni JEAES. Jon zajaviŭ, što padrychtavany da padpisańnia damova — nie toj dakumient, na jaki raźličvała Biełaruś, a źjaŭlajecca niejkim kampramisam.