U sieradu, 25 červienia, adbyłasia cyrymonija ŭručeńnia nacyjanalnaj premii «Załaty Bajt — 2014», najvyšejšaj prafiesijnaj uznaharody za dasiahnieńni ŭ halinie infarmacyjnych technałohij.
U Parku vysokich technałohij pa vynikach 2013 adznačyli IT-kampanii ź liku rezidentaŭ PVT prafiesijnymi ŭznaharodami za dasiahnieńni ŭ halinie infarmacyjnych technałohij u siami naminacyjach.
Nacyjanalnaja premija ŭ halinie IT «Załaty Bajt» zasnavanaja administracyjaj Parku vysokich technałohij z metaj zaachvočvańnia IT-kampanij, jakija dasiahnuli najvyšejšych pakazčykaŭ u vytvorčaj dziejnaści, jakija stymulujuć raźvićcio IT-haliny, raźvićcio ekspartna aryjentavanaj vytvorčaści PZ, pryciahnieńnie zamiežnych inviestycyj u hety siektar ekanomiki.
Kryterami dla vyznačeńnia pieramožcaŭ u kožnaj z naminacyj stali pakazčyki i vyniki haspadarčaj dziejnaści kampanij.
U naminacyi «Lepšy eksparcior hoda» pieramožcam stała kampanija STAA «Hiejm Strym» (dziakujučy im uvieś śviet hulaje ŭ World of Tanks i nie tolki).
U Naminacyi «Najbujniejšy pastaŭščyk rašeńniaŭ dla biełaruskaha rynku» pieramahli STAA «Sistemnyja technałohii» i IBA IT PARK.
Pieramožcam u naminacyi «Najiepšy centr raspracoŭki PVT» nazvana kampanija TAA «Śbierbank-Technałohii».
U naminacyi «Najlepšy rehijanalny centr PVT» pieramohu atrymała kampanija ZTAA «Erykpol Brest».
Kampanija EPAM Systems stała pieramožcam u naminacyi «Za ŭkład u raźvićcio IT-adukacyi».
«Praduktam hoda» staŭ dadatak Viber, raspracavany kampanijaj Viber Media. Miesendžaram ŭžo karystajucca bolš za 370 młn čałaviek z 193 krainaŭ śvietu.
U naminacyi «Adkryćcio hoda» pieramožcam była nazvanaja kampanija exp (capital), jakaja zajmajecca raspracoŭkaj prahramnaha zabieśpiačeńnia dla finansavych rynkaŭ.
Paśla cyrymonii ŭručeńnia ŭznaharod byŭ začytany ŭkaz Prezidenta № 279 «Ab uznaharodžańni dziaržaŭnymi ŭznaharodami». Dyrektar Parku vysokich technałohij Valeryj Capkała byŭ uhanaravany ordenam Pašany Respubliki Biełaruś. Miedalom «Za pracoŭnyja zasłuhi» byli ŭznaharodžany staršynia savieta dyrektaraŭ kampanii EPAM Systems Arkadź Dobkin, namieśnik dyrektara pa raźvićci STAA «Hiejm Strym» Uładzimir Kisły, hienieralny dyrektar chołdynhu «ST Hrupa» Alaksandr Mukavozčyk i dyrektar «NTŁab-sistemy» Dźmitryja Čarniakoŭski.
