Siońnia adbyłasia telefonnaja razmova ŭ čatyrochbakovym farmacie Prezidenta Ukrainy Piatra Parašenki ź fiederalnym kancleram FRH Anhiełaj Mierkiel, prezidentam Francyi Fransua Ałandam i prezidentam Rasii Uładzimiram Pucinym.
Parašenka, u pryvatnaści, prainfarmavaŭ ab situacyi ŭ Danieckaj i Łuhanskaj abłaściach i padkreśliŭ, što, na žal, damoŭlenaści, dasiahnutyja padčas papiaredniaj razmovy ŭ čatyrochbakovym farmacie nie byli vykananyja.
U svaju čarhu Uładzimir Pucin «prapanavaŭ raźmiaścić ŭkrainskich pamiežnikaŭ i naziralnikaŭ ABSIE z rasiejskaha boku pahranpunktaŭ, zachoplenych apałčencami», paviedamlaje RIA Naviny.
Fota Valeryja Mielnikava / RIA Naviny
Maskva spadziajecca na start chutkich pramych kansultacyj pa hetym pytańni, kiraŭnik MZS RF Siarhiej Łaŭroŭ
«Hetyja punkty propusku byli niekalki dzion tamu zaniatyja apałčencami, i prezident Ukrainy nastojliva staviŭ pytańnie — i heta było ŭžo nie ŭ pieršy raz — pra toje, kab viarnuć situacyju pad kantrol i zabiaśpiečyć transparentnaść, kab usie mahli pierakanacca, što praz hetyja punkty propusku nie prachodziać uzbrojenyja ludzi», — skazaŭ Łaŭroŭ, kamientujučy jaki apošniuju telefonnuju razmovu lideraŭ Francyi, Hiermanii, RF i Ukrainy.
«Prezident RF Uładzimir Pucin unios prapanovu ab tym, kab na hetych punktach propusku z rasiejskaha boku byli raźmieščanyja pradstaŭniki pahransłužby Ukrainy dla sumiesnaha kantrolu za miažoj i kab na hetych ža punktach propusku z rasiejskaha boku byli raźmieščanyja naziralniki ad Arhanizacyi pa biaśpiecy i supracoŭnictvu ŭ Jeŭropie», — dadaŭ kiraŭnik rasijskaha MZS.
Pry hetym kiraŭnik MZS RF padkreśliŭ, što rasijskaje zaprašeńnie naziralnikaŭ ad ukrainskaj Dziaržpahransłužby i ABSIE dziejničaje na pieryjad zachavańnia režymu spynieńnia ahniu va Ukrainie.
Jon vykazaŭ nadzieju, što «hetaja inicyjatyva rasiejskaha prezydenta dazvolić usim, ad kaho heta zaležyć, pryniać i zabiaśpiečyć rašeńnie ab pradaŭžeńni dziejańnia spynieńnia ahniu, ab pradaŭžeńni dziejańnia pieramirja».
