Indyvidualny pradprymalnik ź Pinska abvinavačany va ŭchileńni ad vypłaty padatkaŭ u asabliva bujnym pamiery, paviedamiŭ načalnik Pinskaha mižrajonnaha adździeła finansavych rasśledavańniaŭ KDK Bresckaj vobłaści padpałkoŭnik finansavaj milicyi Valeryj Vielaśnicki.
Pravaparušeńnie było vyjaŭlena ŭ chodzie sumiesnych ź inśpiekcyjaj MPZ pa horadzie Pinsku apieratyŭna-vyšukovych i pravieračnych mierapryjemstvaŭ. Pravierkaj ustanoŭlena, što 55-hadovy žychar Pinska, ažyćciaŭlajučy dziejnaść pa aptovaj realizacyi sielskahaspadarčaj pradukcyi ŭ rehijony Rasii, nie adlustroŭvaŭ u poŭnaj miery pa buchhałtarskim uliku svaju vyručku. Tak, za pieryjad z 1 studzienia 2009 hoda pa 31 sakavika 2014 hoda pradprymalnik nie ŭkazaŭ dachod ad prodažu harodniny ŭ ahulnaj kolkaści na sumu bolš za Br132 młrd. Heta dazvoliła pinčuku zekanomić na padatkach Br27,577 młrd.
U dačynieńni da pradprymalnika Pinski MA UDFR KDK Bresckaj vobłaści ŭzbudziŭ kryminalnuju spravu pa č.2 art.243 KK (uchileńnie ad vypłaty sum padatkaŭ i zboraŭ). Sankcyja artykuła praduhledžvaje abmiežavańnie voli na termin da piaci hadoŭ abo pazbaŭleńnie voli na termin ad troch da siami hadoŭ z kanfiskacyjaj majomaści abo biez kanfiskacyi i pazbaŭleńnie prava zajmać peŭnyja pasady abo zajmacca peŭnaj dziejnaściu abo biez pazbaŭleńnia.
Supracoŭniki finansavaj milicyi pravodziać nieadkładnyja śledčyja dziejańni pa zamacavańni dokazaŭ supraćpraŭnaj dziejnaści padazravanaha.
