Forvard minskaha «Dynama» Uładzimir Chvaščynski źmianiŭ kłub, da kanca siezona na pravach arendy napadnik budzie vystupać za FK «Minsk». 

Heta treciaja kamanda ŭ karjery hulca. Pačynaŭ futbalist u bresckim «Dynama», dzie za čatyry siezony pravioŭ 90 matčaŭ i zabiŭ 17 miačoŭ. U studzieni 2013 hoda Chvaščynski źmianiŭ bresckaje «Dynama» na minskaje. U debiutnym siezonie ŭ stalicy futbalist zhulaŭ 25 matčaŭ i zabiŭ try hały. Ale z prychodam u minskaje «Dynama» Uładzimira Žuraŭla Chvaščynski straciŭ miesca ŭ składzie. U sioletnim siezonie napadnik tolki piać razoŭ vyjšaŭ na zamienu, uvohule pravioŭšy na poli 107 chvilin, ale nie zabiŭ nivodnaha hoła. 

Zatoje ŭ Chvaščynskaha niakiepska składvałasia karjera ŭ roznych zbornych krainy. U 2011 hodzie razam z maładziožnaj zbornaj Biełarusi jon vyjhraŭ bronzu maładziožnaha čempijanatu Jeŭropy, u nastupnym hodzie źjeździŭ na Alimpijadu ŭ Łondan. Praŭda, na pole tak i nie vyjšaŭ. Jość u Chvaščynskaha i vopyt hulni za nacyjanalnuju kamandu Biełarusi: u jaje składzie futbalist pravioŭ čatyry matčy i zabiŭ adzin hoł, u tavaryskim matčy paraziŭšy varoty kanadcaŭ. 

Futbolny kłub «Minsk» niadaŭna taksama padpisaŭ kantrakty ź jašče dvuma eks-hulcami nacyjanalnaj zbornaj Biełarusi — abaroncam Siarhiejem Amieljančukom i forvardam Leanidam Kovielem. 

Na hety momant u turnirnaj tablicy FK «Minsk» zajmaje siomaje miesca i na čatyry ački adstaje ad «Homiela», jaki zajmaje šostaje miesca. Nahadajem, vosieńniu čempijanat raździaliŭsia na dźvie šaściorki. Staličny kłub umacavaŭ svoj skład, kab być u toj šaściorcy, jakaja paviadzie baraćbu za miedali.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?