Rasiejskaja hrupa padčas kancertu ŭ miežach «Słavianskaha bazara» u Viciebsku vykanała ŭkrainskuju «Piśniu pro rušnik» i pažadała Ŭkrainie rośkvitu.
Pra heta paviedamlajuć Narodnyja naviny Viciebska. Padčas vykanańnia pieśni scena była aformlenaja ŭ kolery nacyjanalnaha ściahu Ŭkrainy i ŭzory ŭkrainskich rušnikoŭ i vyšyvanak.
Kiraŭnik «Chora Tureckaha» — Michaił Turecki — maje biełaruskija karani, ale naradziŭsia ŭ Maskvie. Baćki Tureckaha pachodziać ź Biełarusi.
Uračystaje adkryćcio festyvalu Słavianski bazar u Viciebsku adbudziecca 10 lipienia. Sioleta ŭ prahramie jak zvyčajna ŭdzielničajuć dziasiatki zorak rasiejskaj sceny. Ukrainskija vykanaŭcy pradstaŭlenyja śpiavačkaj Iryna Biłyk, śpievakom Macijasam. Raniej paviedamlałasia, što ŭ Viciebsku adbudziecca kancert ukrainskaha dueta Patap i Naścia, ale ŭ kančatkovaj prahramie ich vystupu niama.
Sioleta na Słavianskim bazary nia budzie i tradycyjnaha ŭdzielnika — pieramožcy Eŭrabačańnia-2014 aŭstryjskaj śpiavački Kančyty Vurst.
