U adnaŭleńni paškodžanaj infrastruktury Danieckaj i Łuhanskaj abłaściej pavinny ŭziać udzieł i tak zvanyja aliharchi.
Takoje mierkavańnie ŭ sieradu ŭ čas bryfinhu na hary Karačun u Słaviansku vykazaŭ premjer-ministr Arsień Jacaniuk.
«Pierakanany, što ŭ takich umovach ŭsie pavinny skinucca, usie pavinny dać hrošy dla taho, kab adnavić sietki, adnavić infrastrukturu i adnavić žyćcio na Danbasie», - skazaŭ Jacaniuk, adkazvajučy na pytańnie ab mahčymaści i nieabchodnaści pryciahnieńnia tak zvanych aliharchaŭ da pracesu adnaŭleńnia Danbasa.
Pa słovach premjera, pavodle papiarednich acenak, abjom škody ŭsim abjektam Danieckaj i Łuhanskaj abłaściej składaje 8 miljardaŭ hryŭniaŭ.
Pry hetym, adznačyŭ Jacaniuk, uličvajučy praciah bajavych dziejańniaŭ, straty buduć raści.
